|
|||||||||||
|
|
Акорд прагучаў па-белазаўску "Народная газета". 2.10.2003 Конкурс маладых выканаўцаў эстраднай песні "Белазаўскі акорд - 2003" прайшоў у мінулыя выхадныя ў Жодзіне. Трынаццаць прадстаўнікоў розных куткоў Беларусі прадэманстравалі аўтарытэтнаму журы пад старшынствам Анатоля Ярмоленкі сваё майстэрства. Дыплом першай ступені быў прысуджаны Наталлі Нарко з Дзяржынска. Другое месца дасталося мінчанцы Дар'і Урызчанка. Трэцюю прыступку п'едэстала падзялілі бабруйчанка Святлана Шкадровіч і гамяльчанін Дзмітрый Даніленка. Спецыяльнымі прэміямі былі адзначаны Алена Вырвіч, Марына Гуменюк, Віталь Жыгімонт, Аляксей Ласкавец. Адбыўся гала-канцэрт з удзелам канкурсантаў, а таксама больш вопытных выканаўцаў - Сяргея Мінскага, удзельнікаў дуэта "Аляксандра і Канстанцін", кіраўніка "Сяброў" Анатоля Ярмоленкі. Падарылі добры настрой гледачам і вядучыя свята Ягор Хрусталеў і Ларыса Грыбалева. Конкурс прайшоў ужо другі раз, паведаміў дырэктар Палаца культуры Беларускага аўтазавода Генадзь Смольскі. У параўнанні з леташнімі вынікамі, калі выступілі 15 чалавек з трох дзесяткаў прэтэндэнтаў, то сёлета паступілі 53 заявы з 23 гарадоў рэспублікі, конкурс адбору склаў чатыры чалавекі на месца. "Белазаўскі акорд" паступова набывае агульнарэспубліканскае значэнне. Сёлетні крок наперад выявіўся, у прыватнасці, у тым, што ўдзельнікі конкурсу набываюць прывабнасць для прадзюсераў. Падчас гала-выступлення прадзюсер Сяргей Цітоў запрасіў асобных маладых выканаўцаў выступіць у кастрычніку ў некалькіх зборных канцэртах, што пройдуць у Беларусі. Руслан Ананьеў |
||||||||||
| |||||||||||